આ જગ્યા પર આવતાં જ જહાજો ગાયબ થઈ જાય છે, વર્ષો થી વૈજ્ઞાનિકો પણ રહસ્યો ઉકેલવામાં નથી રહ્યાં સફળ પરંતુ… 

બર્મુડા : દુનિયામાં હજુ પણ ઘણી એવી જગ્યાઓ છે જે રહસ્યોથી ભરેલી છે. આ જગ્યાઓના રહસ્યને ઉકેલવાની કોઈની હિંમત નથી. આ સ્થાનોમાંથી એક છે બર્મુડા ત્રિકોણ. બર્મુડા ત્રિકોણ એટલાન્ટિક મહાસાગરમાં છે અને તે એક રહસ્યમય સ્થળ છે. આ જગ્યાનું રહસ્ય શું છે તેની શોધમાં ઘણા લોકોએ પોતાના જીવ ગુમાવ્યા છે. આજે અમે તમને આ રહસ્યમય જગ્યા વિશે ચોંકાવનારી વાતો જણાવવા જઈ રહ્યા છીએ. તેમને વાંચીને તમને પણ નવાઈ લાગશે.

એટલાન્ટિક મહાસાગરનો બર્મુડા ત્રિકોણ સદીઓથી એક રહસ્યમય સ્થળ રહ્યું છે. કહેવાય છે કે આ જગ્યાએથી પસાર થતા વિમાનો ક્યાંક ખોવાઈ જાય છે. જહાજો કયા કારણોસર ગાયબ થયા તે હજુ સુધી કોઈ જાણી શક્યું નથી. જો કે, એવી અટકળો છે કે અહીં કેટલીક અજાણી અને રહસ્યમય શક્તિઓ હાજર છે. જેના કારણે અહીંથી પસાર થતા વિમાનો ગાયબ થઈ જાય છે.

લાંબા સમયથી બર્મુડા ત્રિકોણ વિશે કોઈ જાણતું ન હતું. તે સૌપ્રથમ ક્રિસ્ટોફર કોલંબસ દ્વારા શોધાયું હતું અને તેણે તેના લખાણોમાં ઉલ્લેખ કર્યો હતો કે તે ત્રિકોણ જેવું સ્થળ છે. આ ઉપરાંત તેમણે અહીં ચાલી રહેલી પ્રવૃત્તિઓનો પણ ઉલ્લેખ કર્યો હતો.

આ વિસ્તારમાં જહાજો ગાયબ થવાને કારણે ઘણા સંશોધનો અને અભ્યાસો થયા છે. પરંતુ જહાજો ગાયબ થવા પાછળનું સાચું કારણ હજુ સુધી જાણી શકાયું નથી. જોકે, વૈજ્ઞાનિકો બર્મુડા ત્રિકોણમાં જહાજો ગાયબ થવા પાછળ હવામાનને જવાબદાર માને છે.

વૈજ્ઞાનિકના મતે બરમુડા ત્રિકોણની આસપાસ ખતરનાક પવનો ફરે છે અને તેમની ઝડપ 170 માઈલ પ્રતિ કલાક છે. જેના કારણે અહીં વિમાનો પોતાનું સંતુલન ગુમાવી બેસે છે અને અકસ્માતનો ભોગ બને છે. એક અનુમાન મુજબ અહીંથી લગભગ 50 જહાજ અને 20 એરક્રાફ્ટ ગુમ થયા છે.

તે ક્યાં સ્થિત છે                                                   બર્મુડા ત્રિકોણ ઉત્તર એટલાન્ટિક મહાસાગરમાં સ્થિત એક બ્રિટિશ ઓવરસીઝ ટેરિટરી છે. તે યુનાઇટેડ સ્ટેટ્સના પૂર્વ કિનારે મિયામીથી માત્ર 1770 કિલોમીટર અને હેલિફેક્સ, નોવા સ્કોટીયા, (કેનેડા) ની દક્ષિણે 1350 કિલોમીટર દૂર છે.