યુવકે મહિલાનું નાક કાપી ઢોર માર માર્યો, ખોટું લાગી આવતાં મહિલાએ આવું પગલું ભરી લીધું

માનનીય આદિત્યનાથ યોગીજીને હાથ જોડીને વિનમ્ર નિવેદન છે કે મને ન્યાય મળે. ફેસબુક પર આ માર્મિક પોસ્ટ લખીને ઉત્તરપ્રદેશના હરદોઈ જિલ્લાના માધૌગંજમાં એક મહિલાએ ફાંસી ખાઈને આત્મહત્યા કરી લીધી છે. મહિલાએ માધૌગંજ પોલીસ પર બેદરકારી પૂર્વકનું વર્તન કરવાનો આરોપ લગાવ્યો છે. એસપી અજય કુમારે જણાવ્યું કે ઘટના પહેલા મહિલાએ લખાવેલી વાત પરથી કેસ નોંધવામાં આવ્યો છે. પોલીસ પર જે આરોપ લગાવવામાં આવ્યો છે, તેની તપાસ ચાલી રહી છે. તેમણે જણાવ્યું કે મુખ્ય આરોપીની ધરપકડ કરવામાં આવી છે. બીજી તરફ બેદરકારી રાખવાના આરોપમાં આઈજી લક્ષ્મી સિંહે પોલીસ સ્ટેશન ઈન્ચાર્જને સસ્પેન્ડ કરી દીધા છે.

યુવકના ત્રાસથી બચવા મકાન પણ બદલ્યું મધૌગંજના આઝાદનગર મોહલ્લાની રહેવાસી રોલી ગુપ્તાએ રવિવારે રાતે રૂમમાં સાડીનો ફાંદો લગાવીને આત્મહત્યા કરી લીધી હતી. મૃતકના પતિ મનોજ ગુપ્તાએ જણાવ્યું કે મોહલ્લામાં રહેતો લવી નામનો યુવક તેની પત્નીને ખૂબ જ હેરાન કરતો હતો. તેમણે વધુમાં કહ્યું કે લવીના ત્રાસથી હેરાન થઈને તેમણે પોતાનું મકાન છોડીને કિદવઈ નગર મોહલ્લામાં ભાડાનું મકાન લીધુ હતું. અને પત્ની અને બે બાળકો સાથે તે રહેવા લાગ્યો હતો.

તેમણે જણાવ્યું કે શનિવારે તે ઘરેથી પોતાની દુકાન જવા નીકળ્યો હતો. તે દરમિયાન લવી અને તેના પરિવારના સભ્ય ઘરમાં ઘુસ્યા અને પત્ની રોલી ગુપ્તા અને બાળકો સાથે મારામારી કરી હતી. તે પછી લવીએ રોલીનું નાક કાપી નાંખ્યું હતું. તેની જાણ હવે મનોજને થઈ, તે ઘટનાસ્થળે પહોંચ્યો. પછી તે આ મામલાની ફરિયાદ કરવા પોલીસ સ્ટેશન ગયો અને પોલીસને સમગ્ર ઘટના જણાવી. મૃતકના પતિએ જણાવ્યું કે પોલીસે મૃતકે જે પ્રમાણે કીધું તે પ્રમાણે નિવેદન નોંધ્યું નથી અને પોલીસે તેની રીતે જ નિવેદન નોંધી લીધુ હતું.

શું લખ્યું છે ફેસબુક પોસ્ટમાં                        રોલીએ તેની ફેસબુક પોસ્ટમાં લખ્યું કે હું રોલી ગુપ્તા ઉર્ફે પ્રાચી મનોજકુમાર ગુપ્તાની પત્ની નિવેદન નોંધાવું છું. યુપી સરકાર અને માનનીય આદિત્યનાથ યોગીને હાથ જોડીન વિનમ્ર નિવેદન છે કે મારી સાથે ન્યાય કરવામાં આવે. 4 સપ્ટેમ્બર દિવસ શનિવારે સાંજે 7ઃ00 વાગ્યે લવી ત્રિવેદી પોતાના પરિવાર સાથે મારા ઘરમાં ઘસી આવ્યો. લવી અને તેના પિતાએ મારી સાથે જબરજસ્તી કરવાની કોશિશ કરી. જ્યારે મેં વિરોધ કર્યો તો તેમણે મને બેલ્ટ અને લાતો ખૂબ જ મારી. આ સિવાય લવીએ મારા નાકમાં પણ બચકુ ભર્યું, તેનાથી હું લોહીલુહાણ થઈ ગઈ. આ સિવાય પિતા પુત્તી ત્રિવેદીએ ડંડાથી માર માર્યો. આ ઉપરાંત તેની માતા મીરા દેવીએ પણ વાળ પકડીને ખૂબ માર માર્યો. આ લોકોએ મારા ગળાનું લોકેટ, કાનની બુુટી, બે મોબાઈલ અને 90 હજાર રૂપિયા પણ લૂટી લીધા. જતા પહેલા આ લોકોએ મને અને મારા બાળકોને રૂમમાં બંધ કરી દીધા. સાથે જ તેમણ મને ધમકી આપી હતી કે જો મારી વિરુદ્ધ કઈ પણ કરાવ્યું તો આખા પરિવારને ગોળી મારી દઈશ.

જ્યારે મારા પતિ બહારથી આવ્યા તો મેં બધુ જણાવ્યું. તે પછી અમે બધા પોલસ સ્ટેશન ગયા હતા. મારી સાથે પહેલા પણ આવું બની ચૂક્યું છે. તેની એફઆઈઆર પણ મેં નોંધાવી હતી. જોકે હલ કઈ જ નીકળ્યો નહોતો. જો મને કે મારા પરિવારને કઈ થયું તો તેની જવાબદારી માત્ર અને માત્ર સરકારની હશે. પ્લીઝ હેલ્પ મી સર, મને ન્યાય અપાવો. મારું જે કઈ પણ થયું છે તેની ભરપાઈ કરો. મારા પ્રિય ભાઈઓ-બહેનો, જેને પણ મારી પોસ્ટ મળે, પ્લીઝ તેને વધુમાં વધુ શેર કરો. અપરાધીઓને સજા મળવી જોઈએ.