44 વર્ષીય મૌલવીએ 25 વર્ષ નાની યુવતી સાથે બીજા લગ્ન કર્યા, પછી થઈ આવી હાલત, ને હવે પોલીસ પાસે સુરક્ષા માગી
રાજસ્થાન : એક શોકિંગ અને ગુરુ શિષ્યના સંબંધોને શર્મશાર કરતો કિસ્સો સામે આવ્યો છે. મદરેસામાં ભણાવતા મૌલવીને પોતાની જ વિદ્યાર્થી સાથે પ્રેમ થઈ ગયો. વિદ્યાર્થિની પણ સંમત થતાં બંનેએ કોર્ટમાં લગ્ન (નિકાહ) કરી લીધા. ચોંકાવનારી વાત તો એ છેકે મૌલવી યુવતીના ઘરે જ રહેતો હતો. યુવતી પણ તેની પાસે જ ભણતી હતી. આ દરમિયાન બંને એકબીજાના પ્રેમમાં પડ્યા હતા. મૌલવી પરિણીત છે અને એક બાળકનો પિતા છે. પરિવારજનોના વિરોધ બાદ બંનેએ બાડમેર SP પાસે સુરક્ષાની અપીલ કરી છે.
બાડમેરના દેરાસર ગામનો રહેવાસી મૌલવી ગની ખાન ઉર્ફે અબ્દુલ ગની (44) પુત્ર જુમશેર ખાન પાલીના બસ્સીમાં સ્થિત મદરેસામાં ભણાવે છે. તે બસ્સીમાં લગભગ એક વર્ષથી રહેતો હતો. તે બસ્સીમાં સતાર ખાનના ઘરે રહેતો હતો.ગની ખાન સતારની 19 વર્ષની પુત્રી સબીનાને પણ ભણાવતા હતા. આ દરમિયાન બંને પ્રેમમાં પડ્યા હતા. લગભગ એક મહિના પહેલા બંનેએ કોર્ટમાં જઈને લગ્ન કરી લીધા હતા. એક મહિના સુધી આ અંગે કોઈને જાણ થઈ ન હતી. ગની સબીનાના ઘરે જ રોકાયો હતો.
યુવતી મૌલવીના ગામ પહોંચી ઈદ પર મૌલવી ગની ખાન બાડમેરના દેરાસરમાં તેમના ઘરે આવ્યા હતા. પાછલ પાછળ સબીના પણ બાડમેર આવી. મૌલવી ગની ખાન અને સબીના બંનેએ તેમની કોર્ટમાંથી સુરક્ષા દસ્તાવેજો લીધા અને સોમવારે એસપીની સામે સુરક્ષાની અરજી દાખલ કરી. એસપીએ કોતવાલી પોલીસને બોલાવીને સુરક્ષા માટે સૂચના આપી છે.
એક વર્ષ સુધી ઘરમાં રહેતા હતા સબીનાએ કહ્યું- મૌલવી ગની ખાન લગભગ એક વર્ષ સુધી મારા ઘરે રહેતા હતા. બાળકોને ભણાવતા હતા. હું તેમની પાસે ભણતી હતી. અમે એકબીજાને ઓળખ્યા. લગ્નને એક મહિનો થયો. અમારી વચ્ચે ત્રણ મહિનાથી પ્રેમ ચાલતો હતો. મારા પરિવારના સભ્યો મને પાછી લઈ જવા માંગે છે, પરંતુ હું મૌલવી સાથે રહેવા માંગુ છું.
અબ્દુલ ગની કહે છે કે સબીનાના ઘરના સભ્યો સબીનાને સાથે લઈ જવા માંગે છે. પરેશાન કરી રહ્યા છે. સાથે જ મારા ગામના લોકો પણ મને હેરાન કરી રહ્યા છે. સોમવારે બંને એસપી સમક્ષ હાજર થયા હતા. દેરાસરના પૂર્વ સરપંચ બચ્ચુ ખાન કહે છે કે ગની ખાન પહેલેથી જ પરિણીત છે. તેને એક બાળક પણ છે.