37 કરોડથી વધારે છે ‘દયાબેન’ની નેટવર્થ, એક એપિસોડનાં લે છે આટલા લાખ ફી

આપણે બધા વિચારીએ છીએ કે બોલીવુડની દુનિયા ટીવી કરતા ઘણી સારી છે. અહીંના સ્ટાર્સને વધુ પ્રસિદ્ધિ અને પૈસા મળે છે. પરંતુ સત્ય એ છે કે ટીવી સેલેબ્સ પણ સંપત્તિ અને લોકપ્રિયતાના મામલે બોલિવૂડ સ્ટાર્સને ટક્કર આપે છે. કેટલાક એટલી બધી સિરિયલો અને એપિસોડ કરે છે કે તેમનું બેંક બેલેન્સ ગણતરીની ફિલ્મો કરનારા બોલિવૂડના સ્ટાર્સ કરતાં વધુ રહે છે. ત્યારે ઘરે ઘરે ટીવી હાજર છે. લોકો તેને રોજ જુએ છે. આવી સ્થિતિમાં, કેટલાક ટીવી સેલેબ્સ લોકપ્રિયતાના મામલે બોલિવૂડ સ્ટાર્સને પણ પાછળ છોડી દે છે.

તારક મેહતા…થી થઈ હતી પોપ્યુલર
આ દિવસોમાં તારક મહેતા કા ઉલ્ટા ચશ્મા ટીવીનો સૌથી લોકપ્રિય કોમેડી શો છે. આ શો 2008માં શરૂ થયો હતો. ત્યારથી લઈને અત્યાર સુધી આ શો દર્શકોનું મનોરંજન કરી રહ્યો છે. આ શોના તમામ પાત્રો ઘરે-ઘરે ફેમસ થઈ ગયા છે. તેમાંથી જેઠાલાલ અને દયાબેનની જોડી દર્શકોમાં ખૂબ જ લોકપ્રિય છે. આ શોમાં દયાબેનનું પાત્ર અભિનેત્રી દિશા વાકાણીએ ભજવ્યું છે. જોકે, 2017માં તેણે આ શોને અલવિદા કહી દીધુ હતુ.

આ શો દ્વારા દિશા રાતોરાત ફેમસ થઈ ગઈ હતી. તેણે આ શોમાં એટલો જોરદાર અભિનય કર્યો કે આજ સુધી કોઈ અન્ય અભિનેત્રી તેનું સ્થાન લઈ શકી નથી. હવે દર્શકો પણ દિશાના શોમાં પાછા ફરવાની આતુરતાથી રાહ જોઈ રહ્યા છે.

તારક મહેતા ઉપરાંત દિશાએ ઘણી ગુજરાતી સિરિયલોમાં પણ કામ કર્યું છે. તો, તે કેટલીક પસંદગીની ફિલ્મોમાં પણ જોવા મળી છે. આવી સ્થિતિમાં, ઘણા લોકોના મનમાં પ્રશ્ન પણ ઉઠે છે કે તે એક એપિસોડ માટે કેટલો ચાર્જ લે છે અને તેની નેટવર્થ કેટલી છે.

એક એપિસોડનાં આટલા લે છે દિશા
દિશા વાકાણીની ગણતરી ટીવીની સૌથી મોંઘી અભિનેત્રીઓમાં થાય છે. જો રિપોર્ટ્સનું માનીએ તો તે ‘તારક મહેતા કા ઉલ્ટા ચશ્મા’ના એક એપિસોડ માટે લગભગ 1.5 લાખ રૂપિયા ચાર્જ કરતી હતી. એક અંદાજ મુજબ તે આ શો દ્વારા દર મહિને લગભગ 20 લાખ રૂપિયા કમાતી હતી.

મતલબ કે તેમની વાર્ષિક આવક 2 કરોડ 40 લાખની નજીક હતી. મા બન્યા બાદ તેણે 2017માં શો છોડી દીધો હતો. હવે શોના મેકર્સ દિશાને પરત લાવવા માંગે છે પરંતુ તે પહેલા કરતા વધુ ફી માંગી રહી છે. આવી સ્થિતિમાં આ મામલો હજુ અધવચ્ચે જ અટવાયેલો છે.

દિશા વાકાણીની કુલ નેટ વર્થ
સમાચાર અનુસાર, દિશા વાકાણીની નેટવર્થ લગભગ 37 કરોડ રૂપિયા છે. તેણે આ મોટાભાગની સંપત્તિ ‘તારક મહેતા કા ઉલ્ટા ચશ્મા’ દ્વારા કમાઈ છે. હવે જો નિર્માતા વધુ ફી ચૂકવીને દિશાને ફરીથી શોમાં લાવે છે, તો તેની નેટવર્થમાં વધુ વધારો થઈ શકે છે.