દલિત યુવક સાથે લગ્ન કર્યા તો પિતાએ આપી સજા, નગ્ન કરીને લોકોની સામે નર્મદામાં લગાવી ડૂબકી

દલિત યુવક સાથે લગ્ન કર્યા તો પિતાએ આપી સજા, નગ્ન કરીને લોકોની સામે નર્મદામાં લગાવી ડૂબકી

દલિત યુવક સાથે લગ્ન કરવા પર ઓબીસી જાતિની નર્સિંગની વિદ્યાર્થિનીને તેના જ પિતા દ્વારા નર્મદામાં સ્નાન કરીને શુદ્ધિકરણ કરવાનો એક સનસનાટીભર્યો કિસ્સો પ્રકાશમાં આવ્યો છે. ઓનર કિલિંગના ડરથી દંપતીએ પોલીસ સુરક્ષા માંગી છે. મામલો જિલ્લાના ચોપાના પોલીસ સ્ટેશન વિસ્તારનો છે. યુવતીએ પોલીસને તેના પિતા સહિત પરિવારથી બચાવવાની અપીલ કરી છે. પોલીસે પિતા સહિત ચાર સામે ગુનો નોંધ્યો છે.

બેતુલના ચોપનામાં રહેતી સાક્ષી યાદવે ગયા વર્ષે આર્ય સમાજ મંદિરમાં બેતુલના રહેવાસી અમિત અહિરવાર નામના યુવક સાથે લગ્ન કર્યા હતા. 24 વર્ષની પીડિતાએ જણાવ્યું કે 11 માર્ચ 2020ના રોજ બેતુલના ટિકરી વિસ્તારમાં રહેતા 27 વર્ષના દલિત યુવક સાથે આર્ય સમાજમાં પ્રેમ લગ્ન કરવામાં આવ્યા હતા. લગ્ન બાદ પરિવારજનો તેને પોલીસની મદદથી સાસરેથી પરત લઈ ગયા હતા. આ પછી તેને રાજગઢમાં અભ્યાસ માટે મોકલવામાં આવી હતી. અત્યારે તે હોસ્ટેલમાં રહેતી હતી. 28 ઓક્ટોબરે તે હોસ્ટેલમાંથી ભાગીને પતિ સાથે બેતુલ પહોંચી હતી.

યુવતીનો આરોપ છે કે 18 ઓગસ્ટના રોજ તેના પિતા તેને નર્મદા નદી પર લઈ ગયા અને 4 લોકોની સામે તેને અર્ધ નગ્ન બનાવીને તેની શુદ્ધિકરણ કરાવ્યુ. તેની પાસે નદીમાં ડૂબકી લગાવડાવી, તેને એંઠી પુરી ખવડાવી. વાળ કાપવામાં આવ્યા હતા અને શરીર પર પહેરેલા કપડા ત્યાં ફેંકી દીધા હતા. દલિત યુવક સાથે લગ્ન કર્યા બાદ શુદ્ધિકરણ માટે આ કરવામાં આવ્યું હતું.

હવે તેના પર તેના પતિને છૂટાછેડા આપવા અને સારી જાતિનાં યુવક સાથે લગ્ન કરવા માટે દબાણ કરવામાં આવી રહ્યું છે. તેણે પોલીસ પર આ કેસમાં તેના પિતાને મળેલા હોવાનો આરોપ લગાવ્યો છે, જ્યારે તેના પતિએ તેના ઓનર કિલિંગની આશંકા વ્યક્ત કરી છે.

પતિ અમિત અહિરવારનું કહેવું છે કે લગ્ન બાદ સાક્ષીના પિતા સતત મારા ઘરે આવતા હતા, ત્યારબાદ તેમણે મારા ઘરે પોલીસ મોકલી અને મને જાણ કર્યા વિના મારી પત્નીને તેમના ઘરે લઈ ગયા. મારી પત્ની હોસ્ટેલમાંથી ભાગીને મારા ઘરે આવી હતી.આજે અમે પોલીસમાં ફરિયાદ કરી હતી અને જણાવ્યું હતું કે પત્નીના પરિવારજનો સાથે રહેવા દેવા માંગતા નથી અને ધમકી આપી રહ્યા છે કે જો તું સાથે રહીશ તો જાનથી મારી નાખીશું.

યુવતીનું કહેવું છે કે તેના લગ્ન બાદથી તેને પિયર તરફથી જાનથી મારી નાખવાની ધમકીઓ મળી રહી છે. લગ્ન પછી તેના પિતાએ 10 જાન્યુઆરીના રોજ ચોપના પોલીસ સ્ટેશનમાં તેણીના ગુમ થયાની ફરિયાદ નોંધાવી હતી, જેના આધારે પોલીસ સ્ટેશનના ત્રણ પોલીસકર્મીઓ તેને તેના સાસરેથી બળજબરીથી ચોપના પોલીસ સ્ટેશન લઈ આવ્યા હતા, જ્યાં તેની પાસે કોરા કાગળ ઉપર સહી કરાવ્યા બાદ તેને પિયર છોડી આવ્યા હતા.

લગ્ન બાદ તેણે પરિવારના સભ્યો વિરુદ્ધ એસપી, સ્ટેશન ઈન્ચાર્જ કોતવાલી બેતુલને લેખિત અરજી આપી હતી, પરંતુ આજદિન સુધી અરજી પર કોઈ કાર્યવાહી કરવામાં આવી નથી. યુવતીએ એમ પણ કહ્યું કે ભારતીય બંધારણની કલમ 21 હેઠળ ‘રાઈટ ટુ લાઈફ’ મારો મૂળભૂત અધિકાર છે, જે અંતર્ગત પસંદગીનો અધિકાર પણ મારો મૂળભૂત અધિકાર છે. સમાજની રૂઢિવાદી, જ્ઞાતિવાદી માનસિકતાથી ઉપર ઊઠીને મારા મૂળભૂત અધિકારનો ઉપયોગ કરીને મેં લગ્ન કર્યાં છે.

શનિવારે કોતવાલી પોલીસ સ્ટેશનમાં કલમ 506, 504,34 હેઠળ ધીરજ યાદવ, રાધેશ્યામ મહેશ અને મધુ અને મદન વિરુદ્ધ કેસ નોંધ્યા બાદ કેસ ડાયરી ચોપના પોલીસ સ્ટેશનને મોકલવામાં આવી રહી છે.

મહિલા ડેસ્ક ઈન્ચાર્જ ડીએસપી પલ્લવી ગૌરનું કહેવું છે કે બંનેએ આર્ય સમાજ મંદિરમાં લગ્ન કર્યા હતા. છોકરીના પરિવારજનો ઇચ્છતા નથી કારણ કે પ્રેમ લગ્ન છે અને છોકરો અન્ય જાતિનો છે. તેણે પોતાની અરજીમાં આ વાતનો ઉલ્લેખ કર્યો છે. છોકરી ઓબીસી છે અને છોકરો અન્ય જ્ઞાતિનો છે. ફરિયાદમાં શુદ્ધિકરણની બાબતનો ઉલ્લેખ કરાયો છે. આ મામલે તપાસ કરી રહ્યા છે.