આવો હતો ટીમ ઈન્ડિયાની ભાભીના ચહેરા પરનો ગ્લો, અથિયા અને રાહુલે રોમેન્ટિક થઈને એકબીજાને લગાવી પીઠી, જુઓ તસવીરો

દેશભરમાં હાલ લગ્નનો માહોલ ચાલી રહ્યો છે અને સામાન્ય લોકોની સાથે સાથે સેલેબ્સ પણ લગ્નના બંધનમાં બંધાઈ રહ્યા છે, 23 જાન્યુઆરીના રોજ ભારતીય ટીમના સ્ટાર બેટ્સમેન કે એલ રાહુલ અને બોલીવુડ અભિનેતા સુનિલ શેટ્ટીની લાડલી દીકરી અને અભિનેત્રી અથિયા શેટ્ટી લગ્નના બંધનમાં બંધાયા હતા. અથિયા તથા રાહુલનાં લગ્નની વિધિ સુનીલ શેટ્ટીના ફાર્મહાઉસ ‘જહાન’માં થઈ હતી.

અથિયા તથા કેએલ રાહુલ સાઉથ ઇન્ડિયન વિધિથી લગ્ન કરી હતી. લગ્નમાં માત્ર 100 મહેમાનને જ આમંત્રણ આપવામાં આવ્યું હતું. લગ્નમાં અથિયા તથા રાહુલે ફેશન ડિઝાઇનર સબ્યાસાચીના આઉટફિટ પહેર્યા છે. બંનેએ લાલ રંગના નહીં, પરંતુ સફેદ ને ગોલ્ડન રંગના આઉટફિટ પહેર્યા હતા. લગ્નમાં મહેમાનો અને પરિવાર ઢોલના તાલે નાચ્યા હતા.

લગ્ન બાદ સુનિલ શેટ્ટીએ બહાર આવીને મીડિયાનો આભાર માન્યો જેના બાદ અથિયા અને રાહુલ પણ ફોટોગ્રાફરને પોઝ આપવા માટે બહાર આવ્યા હતા. આ દરમિયાન કપલના લગ્નની ઘણી બધી તસવીરો પણ સામે આવી હતી. જેને ચાહકો દ્વારા પણ ખુબ જ પસંદ કરવામાં આવી હતી.

તેમના લગ્નની ઘણી તસવીરો અને વીડિયો પણ સોશિયલ મીડિયામાં સામે આવ્યા હતા. હવે લગ્ન બાદ પણ તેમના અલગ અલગ રિવાજોની તસવીરો પણ સોશિયલ મીડિયામાં વાયરલ થઇ રહી છે. જેમાં પીઠીની તસવીરો ગઈકાલે અથિયા અને રાહુલે પોતાના સોશિયલ મીડિયા એકાઉન્ટમાં શેર કરી હતી.

અથિયા અને રાહુલ પીઠીના પ્રસંગમા બંનેએ ખૂબ જ રોમેન્ટિક થઈને એકબીજાને પીઠી લગાવી હતી. આથિયા પીચ રંગના એમ્બ્રોઇડરી સૂટમાં ખૂબજ સુંદર લાગી રહી છે. તેના ચહેરા પર લગ્નનો ગ્લો સ્પષ્ટ દેખાય છે. બંનેએ જેવી પીઠીની તસવીરો પોસ્ટ કરી તેની સાથે જ તે સોશિયલ મીડિયામાં વાયરલ થઇ રહી છે.

 

પોતાની પીઠીના પ્રસંગ દરમિયાન રાહુલ અને અથિયાએ ખૂબ જ ક્યૂટ અંદાજમાં પોઝ આપ્યા હતા. કપલે તેમના ઇન્સ્ટા પર પીઠીના ફોટા અલગથી શેર કર્યા છે. આથિયા અને કેએલ રાહુલે પીઠી સેરેમનીમાં પરિવાર સાથે ખૂબ એન્જોય કર્યું હતું. બંને પીઠી, ચંદન અને ફૂલોથી લપેટાયેલા જોવા મળ્યા હતા.

આથિયા અને કેએલ રાહુલના આ સુંદર તસવીરો પર સેલેબ્સે પણ ઘણો પ્રેમ વરસાવ્યો છે. પપ્પા સુનીલ શેટ્ટીથી લઈને સામંથા રૂથ પ્રભુ સુધીની સેલિબ્રિટીઓએ કપલને અભિનંદન પાઠવ્યા છે. કેએલ રાહુલે પણ ઈન્સ્ટાગ્રામ પર પીઠી સેરેમનીની ઘણી તસવીરો શેર કરી છે. પરિવારના સભ્યો તેને પીઠી લગાવતા જોવા મળે છે.

આ ફંક્શનમાં કેએલ રાહુલને માત્ર પીઠી જ લગાવવામાં આવી નહોતી પણ તેના કપડા પણ ફાટી ગયા હતા. કેએલ રાહુલ તેની પીઠી સમારંભમાં કેટલા ખુશ છે તેના ચહેરા પર સ્પષ્ટપણે જોઈ શકાય છે. પીઠી માટે સમગ્ર સ્થળને ખાસ પીળા મેરીગોલ્ડ ફૂલોથી સજાવવામાં આવ્યું હતું. તેની તસવીરો પણ સામે આવી છે.

પીઠીમાં અથિયાએ ગોલ્ડન કલરનો આઉટફિટ પહેર્યો છે. આ આઉટફિટમાં અભિનેત્રી ખૂબ જ સુંદર લાગી રહી હતી. તસવીરોમાં જોઈ શકાય છેકે આથિયા અને કેએલ રાહુલ પીઠીમાં મેરીગોલ્ડના ફૂલ સાથે રમતા જોવા મળ્યા હતા.

આથિયાએ પોતાના સોશિયલ મીડિયામાં પીઠીની તસવીરો શેર પોસ્ટ કરી છે, જેને થોડી જ મિનિટોમાં હજારો લાઈક મળી ચુકી છે. આ તસવીરોમાંથી પહેલી તસવીરમાં જોવા મળી રહ્યું છે કે આથિયા અને રાહુલ બંને પીઠીમાં તરબોળ છે અને ખુશીઓની પળોને માણી રહ્યા છે. કપલ તસવીરમાં ખુશખુશાલ જોવા મળી રહ્યું છે.

બીજી તસવીરમાં આથિયા પીઠી દરમિયાન દિલ ખોલીને હસતી જોવા મળી રહી છે. તો ત્રીજી તસવીરમાં તે પોતાના ભાઈના ગાલ પર પીઠી લાગવતી જોવા મળી રહી છે. આ દરમિયાન તમામ લોકો પણ ખુબ જ ખુશ ખુશાલ જોવા મળી રહ્યા છે.

છેલ્લી તસવીરમાં આથિયા ફોટોગ્રાફરને પોઝ આપતી જોવા મળે છે, તેની પાછળ સૂર્ય પ્રકાશી રહ્યો છે અને તે એક સાઈડ જોઈ રહી છે. આ તસવીર સાથે સાથે આથિયાએ કેપશનમાં “સુખ” લખ્યું હતું. જેના કારણે સમજી શકાય છે કે અથિયા રાહુલ સાથે લગ્ન કરીને ખુબ જ ખુશ ખુશાલ છે.

એક ઇન્સ્ટાગ્રામ એકાઉન્ટ રાની પિન્ક દ્વારા અથિયા અને રાહુલની જે જગ્યાએ પીઠી યોજવામાં આવી હતી તે સ્થળની બે તસવીરો શેર કરવામાં આવી છે. જેમાં પ્રકૃતિના સાનિધ્યમાં ફૂલોથી શણગારેલી જગ્યા જોવા મળી રહી છે. આ તસ્વીરોને પણ હવે ચાહકો ખુબ જ પસંદ કરી રહ્યા છે.

મીડિયા સાથેની વાતચીતમાં સુનીલ શેટ્ટીએ કહ્યું હતું, તે કેએલ રાહુલના સસરા નહીં, પણ પિતા બનવા માગે છે. બંનેનું રિસેપ્શન IPL પૂરી થયા બાદ આપવામાં આવશે. સૂત્રોના મતે, લગ્નમાં ભલે માત્ર 100 મહેમાનો હોય, પરંતુ સુનીલ શેટ્ટીએ દીકરીના લગ્નના રિસેપ્શનમાં 3000 મહેમાનોને આમંત્રણ આપ્યું છે, જેમાં બોલિવૂડ, સ્પોર્ટ્સ, બિઝનેસ તથા રાજકીય દુનિયાની અનેક હસ્તીઓ સામેલ થશે.

અથિયા તથા રાહુલના લગ્ન સંપન્ન થયા બાદ સુનીલ શેટ્ટી દીકરા અરહાન સાથે ફાર્મહાઉસની બહાર આવ્યો હતો. સુનીલ શેટ્ટીએ મીડિયાનો આભાર માન્યો હતો અને મીડિયાને મીઠાઈના બોક્સ આપ્યા હતા.

આ ગ્રાન્ડ વેડિંગમાં ક્રિકેટર ઈશાંત શર્મા, વરુણ એરોન, અર્જુન કપૂરની બહેન અંશુલા કપૂર, ક્રિષ્ના શ્રોફ સામેલ થયા હતાં. તમામ મહેમાનોના હાથે લાલ બેન્ડ બાંધવામાં આવ્યો હતો. આ બેન્ડથી ખ્યાલ આવે આવ્યો હતો કે આ મહેમાન આમંત્રિત છે. આ બેન્ડ વગર કોઈ પણ અંદર જઈ શકે તેમ નહોતું.

તમામ મહેમાનોનું સિક્યોરિટી ચેકિંગ કરવામાં આવ્યું હતું. માનવામાં આવે છે કે લગ્નમાં સાઉથ ઇન્ડિયન ફ્યુઝન રાખવામાં આવ્યું છે. લગ્નમાં મહેમાનોને પ્લેટ્સમાં નહીં, પરંતુ ટ્રેડિશનલ સાઉથ ઇન્ડિયન સ્ટાઇલમાં કેળનાં પત્તાં પર ભોજન પીરસવામાં આવશે.

સંગીત સેરેમનીમાં કોણ કોણ આવ્યું હતું?
22 જાન્યુઆરીના રોજ સંગીત સેરેમની યોજવામાં આવી હતી, જેમાં અથિયા-રાહુલે ‘મુઝસે શાદી કરોગી..’ ગીત પર ધમાકેદાર ડાન્સ કર્યો હતો. અથિયાનાં ભાઈ તથા માતાએ સ્પેશિયલ ડાન્સ પર્ફોર્મન્સ આપ્યું હતું.કપલના સંગીતમાં ફોટોગ્રાફર રોહન શ્રેષ્ઠા ઉપરાંત પંજાબી સિંગર તથા એક્ટર ગિપ્પી ગ્રેવાલ, ક્રિકેટર વરુણ અરોન પણ આવ્યો છે. અર્જુન કપૂર પણ જોવા મળ્યો હતો.

સંગીત સેરેમનીમાં ધમાલ મચાવી
રવિવાર, 22 જાન્યુઆરીના રોજ સંગીત સેરેમની યોજવામાં આવી હતી. સંગીત સેરેમનીનો એક વીડિયો સો.મીડિયામાં વાઇલ થયો છે. વીડિયોમાં સુનીલ શેટ્ટીનો ખંડાલા સ્થિત બંગલો લાઇટથી ઝગમગે છે. મહેમાનોની ચહલ-પહલ જોઈ શકાય છે. મહેમાનોએ બોલિવૂડ સોંગ્સ પર ધમાકેદાર ડાન્સ કર્યો હતો.

અથિયા-રાહુલે ‘મુઝસે શાદી કરોગી..’ પર ડાન્સ કર્યો
અથિયા શેટ્ટી તથા રાહુલે સલમાન ખાન-અક્ષય કુમારની ફિલ્મના ગીત ‘મુઝસે શાદી કરોગી…’ પર ધમાકેદાર ડાન્સ કર્યો હતો. અથિયાનાં ભાઈ અરહાન તથા માતા માના શેટ્ટીએ સ્પેશિયલ પર્ફોર્મન્સ આપ્યું હતું. અર્જુન કપૂરની બહેન અંશુલાએ પણ ડાન્સ ફ્લોર ગજવી મૂક્યો હતો. મહેમાનોએ ‘પઠાન’ના ‘બેશરમ રંગ..’ તથા અમિતાભ બચ્ચનની ફિલ્મ ‘હમ’ના ગીત ‘જુમ્મા ચુમ્મા દે દે..’ પર ડાન્સ કર્યો હતો.

ચાર વર્ષના ડેટિંગ માટે અથિયા-રાહુલ એકસાથે
રાહુલ તથા અથિયા ચાર વર્ષથી રિલેશનશિપમાં છે. રાહુલ ભારતીય ક્રિકેટ ટીમનો સ્ટાર પ્લેયર છે. અથિયા એક્ટર સુનીલ શેટ્ટી તથા માના શેટ્ટીની દીકરી છે. બંને પરિવાર કર્ણાટકના છે. અથિયાએ ‘હીરો’ ફિલ્મથી ડેબ્યુ કર્યું હતું. અથિયાની નેટવર્થ 29 કરોડ રૂપિયા છે અને રાહુલ વર્ષે 30 કરોડ કમાય છે.